newsdog Facebook

മൊബൈല്‍ ഡാറ്റ ഉപയോഗിച്ചു തീർത്ത കലി അവസാനിച്ചത് ചേട്ടന്‍ അനിയനെ കുത്തി കൊന്നപ്പോൾ

East Coast Daily Malayalam 2020-11-21 13:26:00

ലക്‌നൗ: മൊബൈല്‍ ഡാറ്റ ഉപയോഗിച്ചു തീര്‍ത്തതിന് കോപിതനായ ചേട്ടന്‍ അനിയനെ കുത്തിക്കൊന്നു. ഇരുപത്തിമൂന്നുകാരനായ രാമന്‍ ആണ് കൊലപാതകം ചെയ്തിരിക്കുന്നത്.

ബുധനാഴ്ച വൈകിട്ടാണ് കുറ്റകൃത്യം നടന്നതെന്ന് പൊലീസ് പറഞ്ഞു. രാമന്‍ ഇളയ സഹോദരന്‍ റോയിയെ വിളിച്ച് ടെറസിലേക്കു പോവുകയായിരുന്നു ഉണ്ടായത്. ഇവിടെ വച്ച് മൊബൈല്‍ ഡാറ്റ ഉപയോഗിച്ചു തീര്‍ത്തതിന് അനിയനെ വഴക്കു പറയുകയുണ്ടായി. തുടര്‍ന്നുണ്ടായ വാക്കേറ്റം കൊലപാതകത്തില്‍ കലാശിച്ചെന്നാണ് പൊലീസ് പറയുന്നത്.

നെഞ്ചില്‍ അനിയനെ പലവട്ടം കുത്തിയ രാമന്‍ സ്ഥലത്ത് നിന്ന് മുങ്ങി. വീട്ടുകാര്‍ എത്തിയപ്പോള്‍ ചോര വാര്‍ന്നു കിടക്കുന്ന റോയിയെയാണ് കാണുന്നത്. ഉടന്‍ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായി കഴിഞ്ഞില്ല.

റെയില്‍വേ സ്റ്റേഷനില്‍നിന്നാണ് രാമനെ പോലീസ് പിടികൂടിയത്. അനിയനെ കുത്തിവീഴ്ത്തി സ്ഥലം വിടാനായിരുന്നു പദ്ധതിയെന്നാണ് കരുതുന്നത്. രാമന് മാനസിക ആസ്വാസ്ഥ്യമുണ്ടെന്ന് വീട്ടുകാര്‍ പറഞ്ഞു.



Nov 21, 2020, 01:26 pm IST